البطاطا من الأطباق الشهيه ذات طعم جذاب ومميز وتقدم بأشكال مختلفه منها البطاطا المشويه والبطاطا بالبشاميل وتحتوي علي العديد من الفوائد الغذائيه وإليكم طريقه سهله وبسيطه .
_ كيلو ونص بطاطا صفرا
_ ٢ كوب من السكر
_ ربع كوب من المياه
_ ربع كوب من الزبده المذابه
_ كيلو لبن
_ ثلاث معالق كبيره من الدقيق
طريقة عمل البشاميل :
* في حله علي النار نضيف ثلاث معالق من الزبده وثلاث معالق من الدقيق ونقلبهم وبعدين ننزل باللبن ونفضل نقلب ونضيف ثلاث معالق من السكر ونفضل نقلب لحد ما البشاميل يتخن وبعدين ننزله من علي النار ونسيبه يبرد .
طريقه عمل البطاطا :
* هنقشر البطاطا ونقطعها قطع متساويه .
وفي حله علي النار نضيف البطاطا المقطعه وكوبان السكر وربع كوب ماء ونخلي النار وسط .
* وبعد ١٠ دقائق نهدي النار ونسيب البطاطا تطيب براحتها .
* بعد ما البطاطا تنضج نسيبها تهدي وبعدين ننزل عليها بربع كوب من الزبده .
* نهرس البطاطا مع الزبده والعسل كويس جدا .
ملحوظه : السكر اللي حطناه مع البطاطا عمل عسل
* نجهز صنيه مدهونه بالزبده وننزل بطبقه خفيفه جدا من البشاميل وبعدين نضيف البطاطا وننزل بطبقه بشاميل علي البطاطا .
* ندخل صنيه البطاطا الفرن المسخن مسبقا ، وبعد ربع ساعه تطمني عليها لو احمرت من علي الجوانب نقفل الفرن ونشغل الشوايه تحمر من فوق وبعدين تطلعيها .
وبالهنا والشفا