كيكة الشوكولاتة بالصوص
طريقة عمل كيكة الشوكولاتة بالصوص أحلي كيك شوكولاتة بجد طعم طعم وقوام و ندغه و فادج وناعم وطري وكل حاجه حلوه في كيك الشوكولاتة وبدون بيض وبدون زبده ، أهم حاجه نوع الكاكاو عشان هو أساس الطعم.
مقادير كيكة الشوكولاتة بالصوص
- كوب ونص دقيق.
- كوب إلا ربع كاكاو خام (استخدمت دريم).
- كوب سكر ابيض ولو بتحبي الحاجه مسكره زودي _ ربع كوب سكر.
- رشه ملح بسيطة وكيس فانيليا.
- معلقة كبيره بيكنج بودر.
- معلقة نسكافيه كبيره بتفرق اووي في الطعم وبتقوي طعم الشكولاتة.
- كوب زبادي (تقريبا علبتين ونص من الصغيرين).
- كوب إلا ربع زيت عادي.
- ربع كوب لبن دافئ.
طريقة عمل كيكه الشوكولاتة
- بالمضرب اليدوي اضربي السكر والزيت وانزلي بالزبادي واضربي انزلي بالكاكاو والنسكافيه ورشة الملح والفانيليا وأضربي.
- حطي البيكنج بودر علي الدقيق وقلبي ويفضل تنخليه وانزلي بيه بالتدريج مع التقليب.
- وأخر حاجه اللبن وقلبي لغايه ما تحصلي علي مزيج ناعم وتقيل من الشكولاتة شبه الشكولاتة السياحة كده.
- صنيه مقاس٢٠ بطنيها بورق زبده او زيت او زبده.
- الفرن بيكون سخن من اول ما بتحطي المكونات علي بعض علي درجه حراره ١٨٠.
- تقدري تفتحي عليها بعد نص ساعه تطمني متسبيش الكيك كتير في الفرن عشان ماينشفش تقدري تفتحي وتطمني عليها بعد نص ساعه.
مقادير صوص الشوكولاتة للكيك
- كوب من الحليب.
- 1/4 ربع كوب من الكاكاو الخام.
- 1/2 نص كوب من السكر.
- 1/4 كوب من الماء.
- معلقة كبيره من الزبدة.
طريقة عمل صوص الشوكولاتة للكيكة
- في إناء على نار متوسطة أضيفي الحليب والسكر والماء والكاكاو وقلبي باستمرار حتي يغلي ويصبح قوام الصوص ثقيل.
- ضعي الزبدة مع الخليط وقلبيه حتي يذوب ويتجانس مع الصوص وارفعيه من علي النار.
- أتركيه ليبرد مع التقليب من حين لأخر قبل الاستخدام.