طريقة عمل شاورما الفراخ
اجمل طريقه تعملي بيها شاورما الفراخ في البيت بطريقه بسيطة جدا ،تتبيله روعه جدا وتقدميها بطريقه حلوه ، طعم شاورما البيت انضف وأوفر من بره بكتير و كفاية أنك ضامنه المكونات كلها مفيش بجد احلا وأجمل من كده.
مقادير شاورما الفراخ
- نص كيلو دجاج منزوع العضم ومقطع شرائح طويله.
- بصله كبيرة مبشوره.
- نص كوب فلفل اخضر مقطع إلي شرائح.
- نص كوب طماطم مقطعه شرائح.
- بصله كبيره مقطعه شرائح.
- ربع كوب زيت.
- معلقه صغيره زبده.
- ملح وفلفل اسود حسب رغبتك.
- كاري وبابريكا حسب الكميه.
- زعتر حسب الكميه.
- معلقه كبيره من عصير الليمون.
- علبة زبادي.
- فحمه.
تتبيله شرائح الفراخ
اغسلي الفراخ كويس بالملح والليمون ، ثم استخدمي المصفاة لتتخلصي من المياه الموجودة في بالفراخ وتصفيها كويس.
احضري وعاء غويط وضعي فيه شرائح الفراخ وماء البصل والزبادي والملح والفلفل الأسود والزعتر وكاري وعصير الليمون وقلبيهم كويس واتركيه ساعتين تتبل أو يوم كامل.
طريقة تحضير شاورما الفراخ
قومي بأحضار طاسه وضعي فيها قليل من الزيت وسخنيها جيدا ثم ضعي فيها الشاورما المتبله وفردها داخل الطاسة قلبيها عندما تاخد لون دهبي وعند تمام سواها.
قومي بأحضار طاسه صغيره وضعي فيها قليل من الزيت وشوحي البصل والفلفل والطماطم تقلبتين فقط وقومي برفعها من علي النار وحطيها علي الشاورما وقلبيهم تقلبتين وسبيها علي النار شويه.
وقومي بتوسيع مكان لوضع فحمه وسمنه بسيطة عندما يظهر لها دخان قومي بتغطيتها ١٠ دقائق.
ملاحظات لنجاح الشاورما الفراخ
- بعد غسل الفراخ وتصفيتها جيدا قومي بتقطيعها لا يفضل التقطيع قبل الغسل.
- لا تقومي بتقليب الفراخ عند نزولها الطاسة إلا عندما تأخذ لون دهبي.
- التقليب الكتير يعمل علي نزول المياه من الفراخ وتنشيفها.