طريقة عمل القرص الطرية
تتميز القرص أن لها ملمس ناعم وطري وخفيفة علي المعدة ، تحتوي القرص علي نسبة غنيه من البروتين والكربوهيدرات ، سوف اقدم لكم طريقة بسيطة لعمل القرص الطرية.
مقادير القرص الطرية
- كيلو دقيق.
- كوب ونص سمنه علي زيت او زبده وزيت.
- رشة ملح.
- ربع معلقه كبيره بيكنج باودر.
- معلقه كبيره خميره فوريه.
- كوب حليب دافئ.
- كوب لبن رايب.
- معلقه كبيره سكر.
- معلقتين سمسم.
طريقة تحضير القرص الطرية
- نخلط الخميرة مع معلقه سكر وربع كوب حليب دافئ.
- نضيف السمنة بالزيت علي الدقيق والملح والبيكينج بودر ونقلب العجينة وبعدين السمسم وبعدين ننزل بالخميرة ونضيف الحليب واللبن الرايب ونعجنها كويس ونخلي بالنا أن عجينه القرص الطرية مش بتتعجن كتير.
- نغطي العجينة ونسيبها تتخمر نص ساعه وبعدين نقطعها ونشكلها كور ونرصها ونسيبها ترتاح نص ساعه كمان.
- نفردها قرص مدوره ونرصها علي صنيه مدهونه زيت بسيط جدا ونسيبها تخمر شويه وبعدين ندخلها فرن ساخن لمده ٢٠ دقيقه تقريبا.
- واول ما تطلع من الفرن تتغطي بفوطه نضيفه لحد ما تبرد وممكن نحتفظ بيها ونحطها في أكياس وندخلها الفريزر.