كرات البطاطس باللحمة المفرومة
مقادير الكرات البطاطس باللحمة المفرومة
- ٤ حبات بطاطس كبار مسلوقة ومهروسه.
- معلقه صغيره ملح.
- نص معلقه فلفل اسود.
- ٢ معلقة صغيره زبده.
- ٣ معالق كبار جبنه موتزاريلا.
مقادير حشوة كرات البطاطس باللحمة المفرومة
- ٥٠٠ جرام لحمه مفرومه.
- بصله مفرومه.
- ملح حسب الرغبة.
- ربع معلقه صغيره فلفل اسود.
- معلقه كبيره سمنه.
للتغليف
- بيضتين مخفوقين.
- ملح وفلفل اسود.
- كوب بقسماط.
طريقة تحضير كرات البطاطس باللحمة المفرومة
- في طاسه علي نار متوسطة نضيف معلقه الزبدة وننزل بالبصل المفروم ونشوح البصل وبعدين ننزل باللحمة المفرومة ونضيف الملح والفلفل الأسود ونسيبها تستوي وبعدين نشيلها من علي النار.
- نهرس البطاطس المسلوقة مع الملح والفلفل الأسود والزبدة كويس ونضيف الجبنة الموتزاريلا ونخلط لحد ما المكونات تتجانس.
- ناخد كميه بسيطة من البطاطس ونعمل فيها تجويف ونحشيها بمعلقه لحمه مفرومه ونكورها ونقفلها كويس ونكرر الخطوة لحد ما تخلص.
- نغمس كرات البطاطس في البيض ثم البقسماط ونرصها في صنيه.
- ونقليها في زيت غزير ساخن لحد ما تتحمر ولونها يبقا دهبي.
وبالهنا والشفا