طريقه عمل البامية باللحمة
البامية لبناتنا الحلوين ازاي تعملي بامية من الاخر مع رشة ليمون وعيش بلدي وقرن فلفل حامي وشويه مخلل.طريقة حفظ البامية
البامية لو هتفرزيها هتغسليها كويس وهتنقعيها في مايه وخل وتقمعيها وتغسليها تاني في السريع وتنزليها في ميه بتغلي فيها عصرة ليمون لمده دقيقه تقريبا وتطلعيها علي طبق فيه مايه ساقعه وتلج عشان تبرد بسرعه ونحافظ علي لونها وصفيها وعلي أكياس حفظ الطعام وعلي الفريزر تطلع من الفريزر علي الحلة علي طول.
مقادير البامية باللحمة
- بامية متقمعه.
- عصير طماطم.
- بشر طماطم او طماطم مكعبات صغيره.
- فلفل رومي مقطع.
- فلفل حامي اخضر او احمر.
- معلقة توم مفروم.
- بصله مفرومه.
- ملح وفلفل وسكر وشطه بسيطة.
- شوربة فراخ او لحمه.
- ولحمه مسلوقة.
طريقه عمل البامية باللحمة
- ضعي قدرا علي النار مع معلقه زبدة وزيت وقلبي البصل المفروم مع رشه فلفل اسود حتي يدبل.
- شوحي اللحمة لو كانت اتسلقت خلاص خليها تاخد طعم الزبدة والبصل.
- انزلي بعصير الطماطم المتصفي والطماطم المبشورة وملح وفلفل ومعلقه سكر وقلبي وسبيها تتسبك شويه.
- انزلي بالبامية والفلفل الأخضر والفلفل الحامي وحاولي متحطيش بذر الفلفل الحامي عشان متبقاش مولعه.
- زودي كبشه شوربة لحمه أو فراخ و متكتريش اوي عشان متبقاش مايه.
- وضيفي الثوم المفروم.
- وطي النار خالص وسبيها تستوي براحتها وبصي عليها ممكن تحتاج تزودي شوربة لغايه ما تستوي.
- استوت لازم تقدميها مع عصره ليمون.
- لو عايزاها طاجن بعد ما تستوي حطيها في طاجن ودخليها الفرن تاخد غلوه ولون من فوق وطبعا ممكن تستخدمي لحمه ضاني.
ملحوظاتممكن تحطي معلقتين صلصه جاهزة خاصة لو الطماطم مش حمرا ده اختياري ، بدل ما تعصري ليمون عادي اعصري ليمون مخلل و ادعيلي,