طريقة عمل الفراخ المشوية في الفرن
فراخ مشويه من غير جلد وواخده لون تحفه وطعم التتبيله يجنن.
مقادير تتبيله الفراخ
- بصلتين.
- فصين توم كبار.
- ملح وفلفل.
- معلقة زبده صغيره.
- معلقة كاتشب.
- معلقة عسل صغيره.
- عصير ليمون.
- زعتر وريحان مجفف.
- ببريكا ورشة شطه بسيطة.
طريقة عمل تتبيله الفراخ
- شيل الجلد ونرميه ونغسل الفراخ كويس اووي بالملح والدقيق، ونقطعها ٦ قطع ونعمل فيها فتحات بالسكينة وننقعها في ميه وملح ومعلقه سكر ومعلقه خل نص ساعه كده عشان تستوي بسرعه خاصة من مكان العضم.
- اضربي التتبيله كلها في الكبة ونتبل الفراخ بتتبيله بتاعتنا ونغطيها ونحطها في الثلاجة ونسبها اقل حاجه ٦ و ياريت من قبلها بيوم الفراخ كل ما تقعد ف التتبيله كل ما بتبقا طريه.
- نرص الفراخ في الصينية ونحط تحتها حلقات بصل وجزر وفصين توم ومعلقتين مايه.
- نغطي صنيه الفراخ بالفويل وندخلها في الفرن هتنزل ميتها وتستوي هتاخد تقريبا ٤٥ دقيقه.
- نفتح نتأكد انها استوت نشيل الفويل وندهن الفراخ بمعلقه زبده دايبه صغيره ومعلقة كاتشب أو صلصه أو باربكيو عشان تاخد لون حلو اووي وناخد من الصوص اللي نزل من الفراخ ونحطه عليها عشان تطريها.
- نحطها تحت الشواية ثواني تاخد اللون التمام وتقدم انا قدمتها علي صنيه البطاطس.