طريقة عمل البيتزا الإيطالي
- البيتزا الإيطالي المقرمشة الجميلة
مقادير عجينة البيتزا الإيطالي
مقادير عجينة البيتزا الإيطالي
- ٤ كوب ونص دقيق.
- كوب ونص ماء دافئ.
- معلقه صغيره خميره فوريه.
- معلقتين زيت زيتون.
- زعتر وملح.
- سميد بسبوسه.
- دقيق للفرد.
طريقة عمل عجينة البيتزا الإيطالي
- هتاخدي كوب ونص دقيق وتحطي عليهم كوب ونص مايه دافئة والخميرة وتقلبي وتغطي الطبق الطبق وسبيه في مكان دافئ ومغلق لمده ١٠ دقائق أو اكتر.
- هتلاقي العجينة اللينه عملت فقاقيع وعليت لفوق شويه كده تمام الخميرة شغاله.
- هترشي رشة ملح وزعتر وتنزلي ب ٣ كوب الدقيق بالتدريج مع العجن بالراحة.
- لغايه ما العجينة تلم وتخلصي المقدار بتاعك بس سيبي حبه دقيق علي جنب من المقدار.
- انقلي العجين علي الرخامة مع رشة دقيق واعجني ومطي فيها واهبديها علي الرخامة عايزاكي تبهدلي العجينة وهو ده سر العجينة الممتازة.
- العجينة بقت تمام وناعمة هاتي طبق غويط واعملي العجينة كوره وحطي معلقتين زيت الزيتون وغلفي العجينة كلها بيهم وغطي كويس اوي وحطيها في مكان دافئ ومغلق.
- - سبتي العجينة لغايه ما تخمر براحتها ويتضاعف حجمها ممكن تاخد ساعه او اكتر علي حسب الجو.
- - هاتي طبق ورشي عليه رشة سميد ودقيق عادي وغلفي العجينة من فوق وتحت بيهم كويس وحاولي متطلعيش الهوا من العجينة.
تمام كده غلفي الطبق بقي ببلاستيك وحطي الطبق في الثلاجة لمده ساعه او اكتر أو لغايه ما العجينة تخمر تاني الخطوة دي مهمه جدا.
✍️أهم الخطوات والملاحظات نجاح البيتزا الإيطالي
من أهم الخطوات بقا أنك تفتحي الفرن من بدري جدا علي أعلي درجه وتخلي الصاج قريب من النار ولو عندك صاج تاني حطيه فوق صاج البيتزا بشويه.
احنا هنسوي البيتزا علي ورق الزبدة لازم يكون نوع ممتاز وتأكدي أنه النوع اللي بيدخل الفرن لان في نوع لفرد العجين بس.
ولو عندك ورق زبده بيلزق فيه العجين إدهني الورق الأول بزيت ورشي رشه دقيق خفيفة.
خلصنا هتجيبي طبق رفيع كده وتنقلي عليه ورق الزبدة اللي عليه عجينه البيتزا وانقليها الفرن من غير الطبق وارميها علي الصاجة السخنة المفروض تاخد ٩٠ ثانيه مش هتاخد وقت خالص بصي عليها بعد دقيقه واطمني.
اخدت لون كويس من تحت طلعيها لأعلي مكان ف الفرن عشان الجبنة تسيح وتاخد لون.
وممكن تفتحي عليها الشواية لمدة ثواني مع المراقبة لو بتحبي الجبنة تاخد لون جامد.