كفته مشويه علي الفحم
مقادير الكفتة
- 1ك لحم احمر.
- 250 جرام بوش.
- 2بصل مبشور ومصفي جيدا من المياه (مترميش المياه).
- نص معلقه صغيره بيكنج بودر.
- ملح (حسب الرغبة).
- فلفل اسود.
للتقديم والتزيين
- بقدونس.
- بصل.
- ليمون.
طريقة التحضير
تقطعي اللحم مكعبات مع البوش ونحطها ف الثلاجة ساعتين وبعدها نطلعها نفرمها.
ونضيف عليها تفل البصل المصفى من المياه جيدا والملح والفلفل الأسود والبيكينج بودر ونقلبها كويس جدا لحد ما كل المكونات تتجانس مع بعضها كويس.
بعد كده نفرمها مره كمان في المفرمة بعد ما نخلص نعجنها (ندعكها) اكنها حتة عجينه نفضل نعجن فيها لحد ما هتلاقيها عملت معاكي عرق بعدين ندخلها الثلاجة 4ساعات عشان تتشمع ومتفكش علي النار.
بعدها نجهز الاسياخ ونشعل الفحم ونطلع الكفتة لتشكيلها أو نشكلها علي الاسياخ.
نجيب بقا ميه البصل ونبشر عليه حبة واحده طماطم ونضيف شويه ملح وفلفل اسود ونبل أيدينا بيها واحنا بنشكلها عشان الكفتة متبقاش ماسكه في ايدك.
ونضعها علي الفحم بعد فرشه علي الشواية وضبط الحرارة ونقلب لحين النضج ثم نضعها علي طبق التقديم الموجود به البقدونس والبصل الشرائح ونزين بشرائح الليمون.